Takot sa Takutan

Takutan ba 'kamo?

Ang mga tao nga naman
Hindi na maintindihan
Alam nang matatakot sila
Lalong magtatakutan pa

Manonood ng horror na palabas

Pero paos naman pag lumabas

Paos dahil sa sobrang gulat

Mga mata'y parang ayaw na imulat

Sikat din na tapatan sa telebsiyon

Mga nakakatakot na presentasyon

True to life expereinces daw

Ng white lady, aswang, at halimaw

Isa pang bagong gawain

Ang kwentuhan pagkagat ng dilim

Pero parang kalokohan lang naman

Hindi multo ang gustong patunayan

Dahil ang prowebang pinakita

Hindi multong nagpakita

3 AM challenge na pinagpyestahan

9:40 PM naman pala kinunan

Photo from androidpolice.com

Mas nakakatakot sa aswang at manananggal

Ang mga taong puro na lang atungal

Walang katuturan na argumento

Pinagaaksayahan pa ng minuto't komento

Wag maging manananggal

Sa sarili, o sa kapwa mong mahal

Pero hindi 'yung nakakalipad

Kundi 'yung manananggal ng dignidad

Filipino Mythological Creature "Manananggal" from filipinojournal.cm

Ang SKIP Train at ang SIKIP Train

This is a poem written in Filipino pertaining to the commuter trains being used in Manila, Philippines. 

Alin ang gusto mong sakyan?
Ang tren na walang laman
O iyong puno ng taumbayan
Na siguradong ika'y pagpapawisan

Wala rin namang ibang mangyayari

Hindi ka makakapili

Kung ano ang tumapat sa sarili

Doon ka na mayayari

Kapag maluwag ang pasukan

Siguradong 'di ka mahihirapan

Pero kung masikip ang madatnan

Magiging madugo ang labanan

Ang maluwag na sasakyan

Minsa'y hindi naman tumitigil

Habang ang masikip naman

Ikaw na mismo ang magpipigil

'Di mo rin naman malalaman

Hindi mo mapaghahandaan

Pumila nang maayos at dahan-dahan

Kalma, swertehan lang sa pwesto 'yan!